كتبت الصجفية زهور بيطار لسيريا ديلي نيوز تجريتها مع مستشفى المجتهد بدمشق ...

يحدث في العاصمة دمشق وفي أهم المباني الخدمية التي يحتاجها البلد  والمواطن بهذه الظروف ، أنه مستشفى المجتهد.المستشفى بالرغم من قدمه بنائياً غير انه مجهز باجهزة حديثة وشاملة جداً ولكن الحديث هنا يقتصر على سوء استخدام هذه الاجهزة والفوضى المحيطة بهامن قبل معظم الأطباء والممرضين وعن غياب المراقبة والأنضباط الواجب توافرهما في مستشفى حكومي عريق وعن سباق البعض داخل المستشفى  من موظفين وموظفات باستغلال بعض المرضى أو مرافقيهم أو عالأقل جحدهم و تمنعهم عن أداء واجبهم الأنساني قبل المهني ..
مشفى المجتهد بالعاصمة دمشق يمكنك تسميتها بماتشاء ماعادا كلمة مستشفى أو علاج .  ماحدث معي شخصياً وما رأيته وسمعته خلال زيارتي هو تعبير عن قمة التسيب والاستخفاف بالناس وأرواحهم لدرجة أن:

١-موعد  غالبية العمليات  الساعة ٨ صارت ٩ولسا موظف الايرادات مااجا والناس ناطرتو عالباب لندفع سلفة للمشفى

٢-في قسم الاوعية الطبيب كان نايم وغفيااان .. لما فيقتو ليعطيني ورقة قبول دخول القسم قام حلقلي برا الغرفة وكمل نومتو

٣-الخدمة ذاتية مية بالمية لدرجة انو مريض عامل عملية برجلو نزل من تختو ليعلي ويوطي تختو بأيدو ولما سألتو قال( لك عمي اسكتي منيح ماخلوني خيط جرحي  بأيدي كمان)

٤-الساعة ٩ونص اجو الممرضات عالدوام وبلشو يتأفأفو مع أنو المرضى  وذويهم  كانو بحاجتون جداً

٥-سرير والدي ماعليه شرشف ..لما طلبتلو -أو شحدتلو- شرشف جابولي ياه وشلحوه عجنب وقلي حطيه عالتخت انتي

٦-ولا ممرضة  و  ولا ممرض بكل ماللكلمة من معنى ..المريض يلي عم يتجهز للعملية بيجو بيشلحولو القثطرة وبيروحو وهو وشطارتو يا بيركبا يا مابيعرف يركبا..

٧-ماشفت ولا عامل تنظيف وتعمدت دقق ولكن ماشفت غير واحد عباب المشفى تحت عميدخن

٨- معاملة الممرضات  للاغراض (مارح قول للأنسان) معاملة بقمة الهمجية ولاتليق بأثواب التمريض  الزرقاء.كأغلاق الابواب بطريقة وحشية لتصدر أصوات مرعبة يجفل  منها السمع أو مسك الأشياء و وضعها باستهتار مذهل

٩-في قسم العينية صبيتين ضلو ناطرين ساعة ونص  وزحمة بالقسم مو طبيعية دون تنظيم و بلا دور وبلا ولا شي.صبيتين ضلو ناطرين ساعة ونص.اخر شي بيجي دكتور (فرخ دكتور) بيقلا ولله بدي اعتذر منكون الممرضة يلي بتعرف بجهاز الليزك ما اجت ..سألتو الصبية ايمت بتجي دكتور لانو انا والدتي عاملة عملية وبدنا نعرف شو وضعا يعني لازم نفحصا ..ضحك الدكتور ضحكة لا تليق بمهنيتو وقال:احتمال ماتجي اليوم لسا مامنعرف
هذا في تمام الساعة١٢ ظهراً والمفروض الممرضة تعمل في قسم العينية.يعني لو كانت بقسم تاني  بشغل كانت رجعت فأذا وينها!!؟؟

١٠-التدخين في جميع الاقسام وكل مكان وزمان  وصوت السعال مرتفع جداً

١١-الشخص  يلي بيسلم المرضى وجبات الفطور والغذا يقدم عروض مغرية جداً. كل وجبة زيادة ب٥٠٠ل س

١٢-شب مصاب بطلقة برجلو ركبولو سياخ مستعملة بالركبة قام التهبت رجلو وعلى وشك تنقطع لو مااقتنع انو (ذل قرشك ولا تذل نفسك)..ليلجأ بذلك الى مستشفى خاص رغم تكلفة العملية الضخمة

١٣-الكافتيريا بتحسسك انك بمنتجع سياحي أو بمطعم خمس نجوم .(قنينتين مي صغار وفنجان قهوة صغير جداً ب ٥٠٠ل..س)؟؟

١٤-قلة أدب حصلت من موظفة بقسم المحاسبة عندما كانت إحد المراجعات تسأل الموظف عن امكانية توقيع ورقة قبل ختمها من القسم..لترد احد الموظفات اللواتي اجتمعن في صبحية شاي ومتة عند زاوية الغرفة ،قائلة بصوت متمايع

 

 

 

 

زهور بيطار