سيرياديلي نيوز- ولاء علي

سلام يا طيب .... سلام لطاهرة الروح يلي ما غابت عن بالي لحظة مارح اسألك كيفك ولا كيف سعادتك بعد يلي صار رح اشكيلك وبس لأن أنت أكتر حدا رح تفهم شو عم يجول ببالي محمد بعرف أنك بمكانك أنت اليوم مسرور لأن حلمت ووصلت لحلمك لهاد السبب عم نتحمل كلنا نار الشوق لكلامك وطيبتك وجود أفعالك ومارح قول اشتقت لأن يلي بيسافروا متلك في شي رباني بس يرتفع الشهيد بينثر شي منه بقلب كل شخص شي وجداني ليضل فينا للعمر ما يفل ...بس في جرح بقلبي مفتوح حتى الأبد بيدمي الروح شو ساوي قلي شو ؟؟؟مبارح جارنا وقبلها أنت وأخو رفيقتي وابن عم يلي كان ساكن قبالي وقبلها صديقة طفولتي النار عم تزيد والشوق عم يكبر ليش هيك شو الحل ؟؟عم تتركونا هون وتفلوا عم تتركونا هون وتطلعوا ترتاحوا بمكان حلو كتير بمكان مافي حقد ولا نار بمكان للطيبين والطاهرين ومافيه قليلين إيمان ويائسين محمد منكم يوم لحظة صار يلي صار بس أنت خطرت ببالي سمعني بدي اشكيلك محمد بدي اشكيلك عن الكل عم يقولوا إدلب من أيد جيشنا رح تفل كيف هيك عم يحكوا مو عيب ؟؟ كيف ممكن أرض طاهرة لأن أنت وصحابك فيها ممكن نخسرها ؟؟؟ كيف ممكن قطرات الدم يلي روت أرض إدلب منك ومن رفقاتك يتجاوزوها ؟؟ كيف ممكن نقول في خسارة وأنتم كنز ألنا للأبد في شي فوق القول في أفعال في أسود من نور عم تحمي بأرواحها الأرض بالشام وبحمص وحلب في أنت ياغالي ورفقاتك لسا عم تحاربوا وتحموا إدلب ....مدام في معتدي أنت قلتلي رح ضل بالحرب وأنت رجال وعن كلامك ما بتحرف الدرب ...يعني بربك شو خص الجسد؟؟ ماالروح اسمى وأنتو هنيك لسا ورح ننتصر لأن كل شبر حقوا قبر والقبر ما بينباع خالد طول الدهر وشاهد لولد الولد أنه هون كان في أسود ورجال يلي بيقولوا رح ننهزم ما بيعرفوا النار بقلب أمك ما في شي طفاها غير كلمة ((محمد بطل نثر الروح لأرض سورية محمد يا أم البطل جثمانه ما أجى لأن تراب الأرض بدوا حنية وحب وطهارة وولاد وفيه)) محمد بتذكر شو كنت تقول كل يوم صبحية ((إدلب رح نحررها من الأنجاس ورح نرفع العلم ونقول بلادنا بسواعدنا محمية إدلب يا صديقتي خضرة وهيك رح تبقى أنا ماشفت بالحياة غير مدرستي وبعدها صرت بالجيش العربي السوري وكانت إدلب مدينتي القدرية رح حافظ عليها ورح نحميها))وأنا متأكدة ياغالي هيك رح يصير... وحكيهم مابيهم مش هم وين صار المعتدي ولا شو عم يساوي ولا شو بيقول في سلام بداخلي أنها ادلب ألنا ورح تضل أااااخ شو سوريا كبيرة شو هالسورية غالية وثمن كرامتها كبير شباب بعمر الورد وأحلام بوسع المدى عم تسافر وييقى صوت بيرعب المعتدي والكافر ويقول: هي سوريا يا صغار هي سوريا يا عميان هي أمنا الكبيرة هي الحضن والدار هي زيتونة جدي وقمح أحفادي هي شموخ الكرامي وهيك رح تبقى ......ونموت شو يعني ؟؟؟ويخلص المشوار ؟؟؟المهم سورية تبقى وشو بيهم نعيش اذا أرضنا ماتت ؟؟؟شو قيمة الروح اذا هوانا شاركوا كافر حقير ؟؟ أي يا أمي كرمالك الروح فدوى أي يا أمي كلنا لعيونك الخضر بنتموت لا تمحي بسمتك عن جبالك لا تتنهدي ببحرك وديانك لا تمحي فرحك من ليالينا وعصفورك الشادي هوي يلي بيهنينا .... تقبر عيوني ضحكتك بس الشمس تلمح ترابك تقبر عيوني حنيتك بس تحضني أطفالك كلنا رخاص كرمالك وحياة عيونك كلنا رخاص كرمالك محمد دعيلنا من فوق أنت ورفقاتك وحرسوا أرضنا صبح ومسا دعولنا نحب بعضنا نحن هون ننسى الجشع والطمع نعرف أنه أغلى شي بالدني كرامتنا والكرامة أرض وعرض دعولنا نمل ناكل بعض ودعولنا الله يحمي أسودنا يلي عم تحارب عالأرض محمد ارتاح ولا تهتم رفقاتك عم يتابعوا الدرب وحق القهر والدم وحق الدمع والحرمان واليتم رح ننتصر والله رح ننتصر

***محمد هو :الشهيد البطل الملازم شرف محمد عباس اليوسف من مواليد 12/8/1992من مدينة حمص والذي نال شرف الشهادة في مدينة إدلب بتاريخ 26-3-2015 واليوم هو ذكرى مرور أربعين يوم على استشهاده ملاحظة : محمد هو كل شهيد ببلدي هو كل شهيد في الجيش العربي السوري أولائك الراسمين الأمان بدمائهم على جدار النصر الذي يبنى في وطني هو الشهيد الذي يحاول طيش البعض تجاهل قدسية قطرات دمائهم التي روت الأرض التي حارب بها فيعلنون اليأس والهزيمة والخضوع للإشاعات والفبركات هو أخي وابن درعا وحلب هو الدمشقي المقاوم هو وطني بكل ما فيه

كل عام ودماء شهداء بلادي منارة من نور وزيتون وإيمان