مرحبا ... كيف الشباب والصبايا... انشالله بخير وماحدا صرلو شي من ورا قذائف الهاون الطايشة ... وعقولة ستي الختيارة"الله لايوفقون الله يحرقون الله يهد حيلون ....."وانابقلبي عم قول انشالله تدعيلي مشان هالحظ يوقف جنبي وينفك هالنحس يلي ملاحقني صرلو اسبوع اول شي تعطلت السيارة وهلق كملت تعطل الموبايل
اي من زمان ياشباب كانو يقولو السيارة والمرأة والسلاح مابينعارو لحدا وهلق صرنا نضيف الموبايل
ياشباب وبلاطول سيرة فقت الصبح وبعدفنجان قهوة مرتب اجيت بدي دق لرفيقي لاعزموا على نفس اركيلة... واليوم جمعة يعني عطلة ؟؟؟
واذ هالموبايل مطفي لامن تمو ولامن كمو فكرت خالص شحنو شحنتو طلع عطلان خالص رحت اخدتو لعند رفيقي راح فحصو قلي عطلو كذا كذا بكلفك 4000ليرة قلت اوف كل هالقد قال اي واليوم عطلة بدك لبكرة رحت شربت الاركيلة بدون رفيقي وماتهنيت فيا
تاني نهار رحت لصلحو فتت عالمحل واخدو الشب وبلش يصلح فيه وانا استغليت الفرصة ورحت عسوق الحرامية وجبت كم شغلة مقرقعة بس شي فخامة والله ياشباب ورجعت لاخد الموبايل بعدما تصلح قلي الشب هاد كلفك 6000ليرة قلتلو اوف كل هالقد مبارح كانو4000ليرة وبلش بنفس السيرة المعتادة الدولار شي طالع وشي نازل ومافي استيراد ومافي بضاعة والف قصة وقصة وبعد المفاصلة والجدل اخد 5500ليرة
لذلك نصيحة ياشباب كل واحد يحافظ عموبايلو والله يحفظ موبايلات الكل من الاعطال المفاجئة منها والمعروفة ويجعل كل ايامكون حلوة بدون نحس ونكد .