مرحبا شباب ... كيفكون ... كيف صحتكون ...كيف اموركون... شواخباركون
من الصبح كنت عم فكر روح احلق شعري،  فمحسوبكون راح لعندالحلاق واذ هالحلاق كاتب عشقفة كرتونة الحلاق ب500 وقش الدقن ب200
سالتو: لك ليش هيك
جاوب :يا اخي الدولار طالع وبعدين انا الوحيد يلي بيعرف قص الشعر متل قصة شعر كريستيانو رونالدو
سالتو :هلق انت متاكد انك بتعرف تقص نفس قصة كريستيانو
قال :له يامعلم مافي غيري بيعرفا قلتلو يلا قصلي شعري
محسوبكون وبعد مانطرشي ساعتين لحتا اجاني دور،  قعدت عالكرسي وبراسي مافي غير3شعرات فراح هالحلاق اخد شعرة عاليمين وشعرة عاليسار ورفع الشعرة النصانية لفوق فقلتلو لك ليش رفعتا لفوق قال: هاي قصة رونالدو تبع المباراة الجاي وسماها "سبايكي"
فأنا زعلان من رونالدو هو شعرو طويل وبمشطو على كيفو واذا حط غول براسو وانتزعت التمشيطة بيجي الحلاق الخاص بين الشوطين بيرجع وبمشطلو شعرو من جديد، وسمعت أنو ادارة ريال مدريد وقالتلوا حط غوال وعلى حسابنا الحلاقة والجل والكريم والسيشوار وتنظيف بشرة كمان لاتزعل
والاحلى من هيك كل الشباب هالايام عاملين "سبايكي" وانابمشي جنبون وبشوف هالشعرات مقنشين ومحسوبكون أنا بقلد الفنانة امل عرفة بمسلسل دنيا اسعد سعيد بحط ايدي عتمي وباخود لحسة وبزبط شعري فيا طب شو بسوي بحالي هاي وضعي يا شباب مع انو كريستانو هو لاعبي المفضل وبالبليسيشن ماباخود غيرو ولكم الحكم ياشباب السبايكي.