سيرياديلي نيوز
مرحبا ... كيفكون ... رح عرفكن أول الشي بحالي أنا الملقب " حمدو السوسي " ولقبت بهالأسم لأنه بيلفت نظري أدق التفاصيل و بعلق عليها متل السوسي من باب الضحك والنكتي ... خلي أيامنا حلوة ... خلي أيامنا فرح ... خلينا نقلب الحزن بسمة ولو كانت عن طريق النكتة
.المرةالماضية خبرتكن إني رح احكي بالعامية كأنونحنابالشارع وخبرتكن إني رح احكي عن شغلات غريبةعجيبة عم بتصير هالأيام من باب الجد أوالضحك أو  تقل الدم والتقليد.
رح نبلش حكي عن اشهرالمصطلحات يلي منسمعها بالشارع هي عسبيل المزح اوالجد  صارت تنقال  كتير، شوفيرالسرفيس والتكسي صاحب البسطة واحيانا شباب واقفين عزاويةالشارع ورح نصنفها حسب الشهرة
1)(يلعن يلي ربط الجحش وفلتك) هالجملة حالياً تتصدر اشهرمصطلحات الشارع وبترجع هالشهرة لأبونبال الحبيب يلي عمل هالدور بمسلسل الولادةمن الخاصرةالفنان السوري باسم ياخور والشغلة الحلوة انو كل الناس حبت هالمصطلح من شباب لبنات لنسوان لرجال للشوفيرية التكاسي والسرافيس لصاحبين المحلات والبسطات
2)(والله لخلي عواك يوصل لقبرص) وهاي المقولة ترجع الى "الياهما لالي"الفنان السوري القديرجمال العلي بمسلسل ضيعة ضايعةوصارت تنقال عوجهين الاول عسبيل المزح والتاني اذا حدا بدو يهدد التاني بس شوبدنا بالحكي "الياهمالالي"صارو يزلغط ويلالي بعد مقلب الكاميرا الخفية
3)(معلم عندك بزر حطلنا فستق) هاي المقولة من الفنان ايمن رضا بمسلسل بقعةضوءوهاي بتنقال  اذا حدا بدو يتبايخ عحدا تاني او بدو يطلب طلب تعجيزي وهدول كترانين هالأيام
وفي النهاية رح نقول حبيباتي نطرونا بالمرات الجاي لانو عم نكوش عموضيع  جديدة ولوقتا جهزو  متة واركيلة وراجعلكون.